၂၀၁၀-၂၀၁၁ ဘဏ္ဍာရေးနှစ်တွင် ၀င်ငွေခွန်အများဆုံး ပေးဆောင်သူ ကမ္ဘောဇဘဏ်မှ ဖြစ်လာပြီး နှစ်နှစ်ဆက်တိုက် ထိပ်ဆုံးမှပေးဆောင်လာသည့် Myanmar CP ကုမ္ပဏီ နံပါတ်(၄) နေရာအထိ ကျဆင်းသွား

View previous topic View next topic Go down

၂၀၁၀-၂၀၁၁ ဘဏ္ဍာရေးနှစ်တွင် ၀င်ငွေခွန်အများဆုံး ပေးဆောင်သူ ကမ္ဘောဇဘဏ်မှ ဖြစ်လာပြီး နှစ်နှစ်ဆက်တိုက် ထိပ်ဆုံးမှပေးဆောင်လာသည့် Myanmar CP ကုမ္ပဏီ နံပါတ်(၄) နေရာအထိ ကျဆင်းသွား

Post  Admin on Mon Jun 13, 2011 11:57 am



၂၀၁၀-၂၀၁၁ ဘဏ္ဍာရေးနှစ် အတွက် ၀င်ငွေခွန် အများဆုံးပေးဆောင်ခဲ့သူ ၁၀ ဦးစာရင်းတွင် ကမ္ဘောဇဘဏ်က ထိပ်ဆုံးမှပေးဆောင်သူ ဖြစ်လာခဲ့ကြောင်း သတင်းရရှိပါသည်။

ကုမ္ပဏီများဆိုင်ရာ အခွန်ရုံးတွင် ၀င်ငွေခွန် အများဆုံးပေးဆောင်ထားသော အခွန်ထမ်းကုမ္ပဏီ ၁၀ ခု စာရင်းအား ထုတ်ပြန်ခဲ့ရာ ကမ္ဘောဇ ဘဏ်လီမိတက်မှ ကျပ်သန်းပေါင်း ၆၁၇၇ ဒသမ ၂၈၃ (ကျပ် ၆ ဒသမ ၁၇၇ ဘီလျံကျော်) ပေးဆောင်ပြီး အမြင့်ဆုံးပေးဆောင်သူ ဖြစ်ခဲ့သည်။

၂၀၀၉-၂၀၁၀ခုနှစ်က ကမ္ဘောဇဘဏ်သည် ကျပ်သန်းပေါင်း ၃၂၀၀ (ကျပ် ၃ ဒသမ ၂ ဘီလျံ) ပေး ဆောင်ပြီးဒုတိယအများဆုံး ပေးဆောင်ခဲ့သည့် ကုမ္ပဏီဖြစ်ပြီး ယခုနှစ်တွင် ယခင်နှစ်ကထက် နှစ်ဆနီးပါး ပိုမို ပေးဆောင်နိုင်ကာ နံပါတ် (၁) ပေးဆောင်သူ ဖြစ်လာခဲ့ခြင်းဖြစ်သည်။


“ကမ္ဘောဇဘဏ် တစ်ခုတည်း အနေနဲ့ပေးဆောင်ထားတဲ့ ၀င်ငွေခွန် ဖြစ်ပါတယ်။ ကမ္ဘောဇအုပ်စု ကုမ္ပဏီ ကလုပ်တဲ့ ကျောက်စိမ်းကျောက်မျက် လုပ်ငန်းနဲ့ တခြားလုပ်ငန်းတွေက ပေးဆောင်ထားတာ မပါသေးပါဘူး” ဟု ကမ္ဘောဇဘဏ်မှ တာဝန်ရှိသူ တစ်ဦးက ပြောကြားခဲ့ပါသည်။

နှစ်နှစ်ဆက်တိုက် ထိပ်ဆုံးနေရာမှ ၀င်ငွေခွန် ပေးဆောင်နေသော Myanmar CP Live Stock ကုမ္ပဏီမှာ နံပါတ် (၄) နေရာအထိ ကျဆင်းခဲ့ကြောင်း သိရသည်။
မြန်မာနိုင်ငံ၏ အခွန်အရပ်ရပ်တွင် အမြင့်ဆုံးရရှိသည့် အခွန်မှာ ကုန်သွယ်လုပ်ငန်းခွန် ဖြစ်ပြီး ၂၀၀၉-၂၀၁၀ ဘဏ္ဍာရေးနှစ်က ကျပ်သန်းပေါင်း ၄၆၆၁၂၁ ရရှိခဲ့ပြီး ၂၀၁၀- ၂၀၁၁ ဘဏ္ဍာရေးနှစ် အတွက် ၂၀၁၁ ဇန်န၀ါရီလကုန်အထိ ကျပ်သန်းပေါင်း ၄၄၈၅၇၃ ရရှိထား

ဝင်ငွေခွန် အမြင့်ဆုံးပေးဆောင်သည့် ထိပ်ဆုံး ၁၀ ဦးစာရင်းတွင် ပါဝင်သည့် ကုမ္ပဏီအမျိုးအစားများ မှာ ဘဏ်နှင့်စားသောက်ကုန် လုပ်ငန်း ကုမ္ပဏီများသာ အများဆုံးပါဝင်နေပြီး မြန်မာနိုင်ငံတွင် နယ်ပယ်စုံ လုပ်ငန်းများ ရယူလုပ်ကိုင်နေသည့် ကုမ္ပဏီအုပ်စု ကြီးများ ပါဝင်မလာခဲ့ကြောင်း၊ ယခု နှစ်တွင်မှမဟုတ်ဘဲ ယခင်နှစ်ကလည်း ထိုသို့ပင် နယ်ပယ်စုံလုပ်ငန်းများ လုပ်ကိုင်နေသည့် ကုမ္ပဏီအုပ်စုကြီးများ အမြင့်ဆုံး ပေးဆောင်နိုင်သူစာရင်းတွင် ပါဝင်လာခြင်းမရှိကြောင်း သိရသည်။

“ထုတ်ပြန်ထားချက်တွေ အရတော့ ထိပ်ဆုံး ၁၀ ဦးထဲက ပေးဆောင်ထားတဲ့ ၀င်ငွေခွန် စုစုပေါင်း ကျပ်သန်း ၂၅၄၈၄ ဒသမ ၀၅၉ ရှိ တယ်။ ၂၅ ဘီလျံကျော်ပေါ့။ ဒါပေမယ့် အဲဒီထိပ်ဆုံးကုမ္ပဏီ ၁၀ ခု ထဲမှာပါတာက ဘဏ်နဲ့ စားသောက် ကုန်လုပ်ငန်းတွေပဲ အများဆုံးပါတယ်။ မြန်မာနိုင်ငံရဲ့ နာမည်ကျော်ကုမ္ပဏီ အုပ်စုတွေ၊ မြန်မာနိုင်ငံရဲ့ အဓိက ပရောဂျက်တွေ လုပ်ကိုင်နေတဲ့ ကုမ္ပဏီ အုပ်စုကြီးတွေ ပါဝင်မလာခဲ့ဘူး။ ၂၀၀၈-၂၀၀၉ ဘဏ္ဍာရေးနှစ်နဲ့ ၂၀၀၉ -၂၀၁၀ ဘဏ္ဍာရေးနှစ်မှာ နှစ်နှစ်ဆက်တိုက် ထိပ်ဆုံးက၀င်ငွေ ခွန်ဆောင်နေတဲ့ မြန်မာစီပီကုမ္ပဏီကတော့ ဒီနှစ်မှာ နံပါတ် (၄) ပေးဆောင်သူအဖြစ်ပဲ ရှိခဲ့တယ်။ မြန်မာစီပီ အနေနဲ့ ၂၀၀၈-၂၀၀၉ တုန်းက ကျပ် ၃ ဒသ မ ၁၉၈ ဘီလျံကျော် ပေးဆောင်ခဲ့သလို ၂၀၀၉-၂၀၁၀ မှာ ကျပ် ၇ ဒသမ ၈၀၃ ဘီလျံအထိ တောင် ပေးဆောင်နိုင်ခဲ့သေးတယ်။ ဒီနှစ်တော့ ကျပ်သုံးဘီလျံပဲ ပေးဆောင် နိုင်ခဲ့တာတွေ့ရတယ်”ဟု ပြည်ထောင်စု သမ္မတ မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် တာဝန်ရှိသူတစ်ဦးက ပြောကြားခဲ့သည်။

“စားသောက်ကုန်လုပ်ငန်းနဲ့ ဘဏ်လုပ်ငန်းကပဲ ၀င်ငွေရှိနေသလို ဖြစ်နေတယ်။ တခြား ၀င်ငွေသောက်သောက်လဲ ရနိုင်တဲ့ လုပ်ငန်းတွေကပဲ မကောင်းတာလား မသိဘူး။ ၁၀ ဦး စာရင်းမှာ စားသောက်ကုန်နဲ့ ဘဏ်လုပ်ငန်းပဲပါတယ်။ နယ်စုံပယ်စုံ ရယူ လုပ်ကိုင်နေတဲ့အုပ်စုကုမ္ပဏီတွေ၊ အိမ် နီးချင်းနိုင်ငံတွေနဲ့ ချိတ်ဆက်ပြီး ရေနံနဲ့ သဘာဝဓာတ်ငွေ့ လုပ်ငန်းပဲဖြစ်ဖြစ်၊ Power Sector မှာပဲဖြစ်ဖြစ်၊ ကုန်သွယ်ရေးကဏ္ဍမှာပဲဖြစ်ဖြစ် အကြီးအကျယ် လုပ်ကိုင်နေတဲ့ ကုမ္ပဏီအုပ်စုကြီးတွေ မပါလာဘူး။ အခွန်ကောက်ခံတဲ့နှုန်းနဲ့ ကောက်ခံတဲ့ပုံစံတချို့ကလည်း ခေတ်ကာလနဲ့ မလျော်ညီတာကို ပြင်ဆင်သင့်တယ်။ မဟုတ်ရင်အခွန်ကို တိမ်း ရှောင်ချင်အောင်လုပ်သလိုဖြစ်နေတယ်။ တချို့ ကုမ္ပဏီကြီးတွေကလည်း ကုမ္ပဏီ အရှိန်အ၀ါကိုသုံးပြီး ပေးဆောင်ဖို့ ပျက်ကွက်တာလည်း ရှိပါတယ်”ဟု လုပ်ငန်းရှင်တစ်ဦးကလည်း ထုတ်ပြန်ထားသည့် စာရင်းများအပေါ် အခြေခံ၍ သုံးသပ်ပြောကြားခဲ့သည်။

မြန်မာနိုင်ငံ၏ Company Re- gistration ရုံးတွင် မှတ်ပုံတင်ထားသည့် ကုမ္ပဏီနှင့် စီးပွားရေးဆိုင်ရာ အဖွဲ့အစည်း အရေအတွက်မှာ ၂၀၁၀ ပြည့်နှစ်အထိ ၂၄၁၁၄ ခုရှိကြောင်း၊ ပြည်တွင်းကုမ္ပဏီမှာ ၂၁၆၅၀ ဖြစ်ပြီး နိုင်ငံခြားကုမ္ပဏီမှာ ၁၂၇၉ ခု၊ Partnership ကုမ္ပဏီ ၁၀၇၂ ခု၊ Joint Venture ကုမ္ပဏီပေါင်း ၇၁ ခု၊ အဖွဲ့ အစည်းပေါင်း ၄၂ ခု မှတ်ပုံတင်ထားခြင်း ဖြစ်ကြောင်း သိရသည်။

မြန်မာနိုင်ငံအတွက် ကုမ္ပဏီများအပါအ၀င် လုပ်ငန်းအလိုက် စုစုပေါင်းပေးသွင်းသည့် ၀င်ငွေခွန် အရပ်ရပ်စုစုပေါင်း တန်ဖိုးမှာ ၂၀၀၉-၂၀၁၀ ဘဏ္ဍာရေးနှစ်က ကျပ်သန်းပေါင်း ၄၁၅၆၃၄ ရှိကြောင်း၊ ယခု ၂၀၁၀-၂၀၁၁ ဘဏ္ဍာရေးနှစ်တွင်မူ ၂၀၁၁ ခုနှစ် ဇန်န၀ါရီလကုန်အထိ စာရင်းများအရ ကျပ်သန်းပေါင်း ၂၈၈၂၅၅ ဖြစ်ကြောင်း သိရသည်။

မြန်မာနိုင်ငံ၏ အခွန်အရပ်ရပ်တွင် အမြင့်ဆုံးရရှိသည့် အခွန်မှာ ကုန်သွယ်လုပ်ငန်းခွန်ဖြစ်ပြီး ၂၀၀၉ -၂၀၁၀ ဘဏ္ဍာရေးနှစ်က ကျပ်သန်း ပေါင်း ၄၆၆၁၂၁ ရရှိခဲ့ပြီး ၂၀၁၀- ၂၀၁၁ ဘဏ္ဍာရေးနှစ်အတွက် ၂၀၁၁ ဇန်န၀ါရီလကုန်အထိ ကျပ်သန်း ပေါင်း ၄၄၈၅၇၃ ရရှိထားကြောင်း ထုတ်ပြန်ချက်များအရ သိရသည်။

၂၀၀၈-၂၀၀၉ ဘဏ္ဍာရေးနှစ်တွင် ၀င်ငွေခွန် အများဆုံးပေးသွင်းခဲ့သော ထိပ်ဆုံးငါးဦး ကျပ်(သန်း)
Myanmar CP Live Stock Co., Ltd
၃၁၉၈ .၈၆
Myan Gon Myint Trading Co., Ltd
၁၅၀၀ .၀၀
CB Bank Ltd
၁၂၀၁ .၅၅
Htoo Trading Co., Ltd
၁၁၀၂ .၀၈
Shwe Thazing Co., Ltd
၉၈၅ .၀၃


၂၀၀၉-၂၀၁၀ ဘဏ္ဍာရေးနှစ်တွင် ၀င်ငွေခွန်အများဆုံး ပေးသွင်းခဲ့သော ထိပ်ဆုံးငါးဦး ကျပ်(သန်း)
Myanmar CP Live Stock Co., Ltd
၇၈၀၃ .၆၅
KBZ Bank Ltd
၃၂၀၀ .၀၀
First Private Bank Ltd
၂၀၈၀ .၀၉
မွေးရေဘဏ်
၁၈၆၇ .၅၈
Dagon Brewery Co., Ltd
၁၆၄၉ .၂၈


၂၀၁၀-၂၀၁၁ ဘဏ္ဍာရေးနှစ်တွင်ဝင်ငွေခွန်အများဆုံးပေးသွင်းခဲ့သောထိပ်ဆုံး ၁၀ ဦး ကျပ်(သန်း)
KBZ Bank Ltd
၆၁၇၇ .၂၈၃
Myanmar Brewery Ltd
၃၅၅၃ .၅၀၅
Shew Me' Co., Ltd
၃၁၄၇ .၄၇၁
Myanmar CP Live Stock Co., Ltd
၃၀၀၀ .၀၀၀
CB Bank Ltd
၂၀၆၁ .၆၃၁
Dagon Brewery Co., Ltd ၂၀၅၄ .၃၀၂
မြန်မာ့စက်မှုဖွံ့ဖြိုးရေးဘဏ်လီမိတက်
၁၅၉၈ .၁၆၈
Diethelm & Co., Ltd
၁၃၀၈ .၃၆၃
Yathar Cho Industry Co., Ltd
၁၃၀၈ .၁၉၆
International Beverages Trading Co., Ltd
၁၂၇၅ .၁၄၀
စုစုပေါင်း
၂၅၄၈၄ .၀၅၉

Admin
Admin

Posts : 82
Join date : 2011-06-11
Age : 26
Location : Mandalay

View user profile http://mmts.forumsmusic.com

Back to top Go down

View previous topic View next topic Back to top


 
Permissions in this forum:
You cannot reply to topics in this forum